Posted by: ພະນົມສິນ | November 18, 2008

ການເຮັດແຜ່ນແຕ້ມ ໃນເມື່ອກ່ອນ

ເມື່ອກ່ອນ ເພິ່ນໃຊ້ກ້ອງ theodolite ຫລື ເອີ້ນອີກຊື່ຫນຶ່ງວ່າ ກ້ອງມູມ ໃນການເກັບກຳເສັ້ນເກາະກ່າຍ
ບາງຄັ້ງເພິ່ນກໍ່ ໃຊ້ກ້ອງລະດັບ leveling ເຂົ້າໃນການສຳຫລວດນຳ,

ຫລັງຈາກ ໄດ້ຂໍ້ມູນຈາກການລົງສຳຫລວດພາກສະຫນາມແລ້ວ ເພິ່ນກໍ່ມາແຕ້ມລົງໃສ່ເຈ້ຍມິນ ກໍ່ຄືເຈ້ຍທີ່ມີຕາກາໂຣ ຕາລະ1ມິລລີແມັດ ນັ້ນເອງ, ສີມັນຢາກອອກເຫລືອງແກມສົ້ມ. ເພິ່ນແຕ້ມ ດ້ວຍມາດຕາສ່ວນທີ່ກຳນົດ ແລະ ຕັດຕໍ່ກັນເປັນແຜ່ນໃຫຍ່.

ຫລັງຈາກ ນັ້ນ ເພິ່ນໃຊ້ເຈ້ຍມັນ ມາປົກໃສ່ກັບເຈ້ຍມິນອີກເທື່ອຫນຶ່ງ ແລ້ວທຳການກ່າຍຮູບໃສ່ເຈ້ຍມັນ ໂດຍມີໄຟເຍືອງທາງກ້ອງ, ໃຊ້ປາກກາເປັນໂຕຂີດຂຽນ ເຈ້ຍມັນຈະຖືກຕັດເປັນຂະຫນາດມາດຕະຖານແລ້ວ ຖ້າແຕ້ມຜິດ ເພິ່ນຈະໃຊ້ມີດແຖຂູດນ້ຳມຶກອອກ ແລ້ວຂຽນໃຫມ່

ຂັ້ນຕອນຕໍ່ມາ ແມ່ນຂັ້ນຕອນເຮັດພິມຂຽວ ເພິ່ນເອົາເຈ້ຍມັນມາຜະລິດເປັນພິມຂຽວ ເຊິ່ງອາໄສນ້ຳຢາຊ່ວຍ ຫລື ນຳໄປ photocopy ຖືເປັນອັນສິ້ນສຸດ ຂັ້ນຕອນການເຮັດແຜ່ນແຕ້ມ

Posted by: ພະນົມສິນ | October 7, 2008

Garmin eTrex GPS (Yellow)

GPSເຄື່ອງນີ້ ມີລາຄາຕ່ຳ ກະທັດລັດ ແລະ ມີໃຊ້ທົ່ວໄປ, ຂ້າພະເຈົ້າຮູ້ຈັກ ເຄື່ອງລຸ້ນນີ້ ຢູ່ໂຄງການສາຍສົ່ງໄຟຟ້າ ປາກເຊ-ຄອນພະເພັງ ເຊິ່ງແມ່ນ ທ່ານຄຳສິງ ຫົວຫນ້າໂຄງການ ເປັນຜູ້ໃຊ້.

ຜູ້ບ່າວ 2 ຄົນນີ້ ພວມຝຶກຊ້ອມການນຳໃຊ້ ເຊິ່ງຈະເອົາໄປໃຊ້ຢູ່ຊຽງຂວາງ ກັບໂຄງການສາຍສົ່ງ ນ້ຳງື່ມ5 ຂ້າພະເຈົ້າ ໄປພົບໂດຍບັງເອີນ ທີ່ສຳນັກງານໃຫຍ່ ລັດວິສາຫະກິດໄຟຟ້າລາວ
GPS

Posted by: ພະນົມສິນ | September 1, 2008

Garmin GPSMAP 76CSx

ເປັນແບບດຽວກັນກັບ garmin 76 ແຕ່ເປັນແບບຈໍສີ. ມີຄວາມຊັດເຈນສູງ ສາມາດຮັບສັນຍານໄດ້ ເຖິງວ່າຢູ່ໃນອາຄານ ທີ່ມີຫລັງຄາບັງສັນຍານ. ມີແຜນທີ່ໃນຕົວ.

ລຸ້ນນີ້ ລັດວິສາຫະກິດໄຟຟ້າລາວ ສາຂາແຂວງຊຽງຂວາງ ມີໃຊ້

Posted by: ພະນົມສິນ | August 3, 2008

Google ໃຫ້ຄະແນນເວັບໄຊນີ້ ໄດ້ 4

Google ປັບປຸງຄ່າ pagerank (PR) ຂອງແຕ່ລະເວັບໄຊ ຄືນໃຫມ່ຄັ້ງຫລ້າສຸດ ແລະ ເວັບໄຊນີ້ ໄດ້ 4/10
ແປວ່າ ໄດ້ ເທົ່າກັບ Au8ust.org ແລະ mahasan.com ສູງກວ່າ pnomsin.com (3/10)

ການປັບປຸງຄ່າ PR ຈະບໍ່ສົ່ງຜົນຫຍັງຫລາຍ ເພາະເວັບໄຊນີ້ ບໍ່ຄ່ອຍມີຄົນອ່ານຫລາຍພໍເທົ່າໃດ
ເພາະເປັນເວັບໄຊ ສຳລັບຄົນໃນວົງການ GPS GIS ຂອງໄຟຟ້າລາວເທົ່ານັ້ນ

ອາດຈະສົ່ງຜົນໃຫ້ມີຄົນຄົ້ນພົບເວັບໄຊນີ້ ເພີ້ມຂຶ້ນເລັກນ້ອຍເທົ່ານັ້ນ ເພາະຄົນສົນໃຈເລື້ອງນີ້ຍັງມີຫນ້ອຍນັ້ນເອງ

Posted by: ພະນົມສິນ | July 23, 2008

GPS ຍີ່ຫໍ້ Mobilemapper

ທ່ານ ຄຳ ມິ່ງບູບຜາ ຫົວຫນ້າໂຄງການໄຟຟ້າພາກເຫນືອ ເພິ່ນໃຊ້ GPS ຍີ່ຫໍ້ Mobilemapper
mobilemapper
ອັງແຕນ ເປັນ ແຜ່ນມົນສີດຳເປັນແມ່ເຫລັກໃຊ້ວາງໄວ້ຫລັງຄາລົດ ແບບໄຟຫວໍຂອງຕຳຫລວດ
ລາຄາ ຊູດລະ 2000 $
ມີແຜ່ນຄວາມຈຳສຳລັບສຽບເຂົ້າຄອມ

GPS
ດາວທຽມ GPS ເປັນດາວທຽມທີ່ມີວົງໂຄຈອນຕ່ຳ ທີ່ລະດັບຄວາມສູງ 11,000 ໄມ ຈາກພື້ນໂລກ ການຢັ້ງຢືນຕຳແຫນ່ງ ແມ່ນອາໄສພິກັດຈາກດາວທຽມ 3 ຫລື 4 ດວງ. ດາວທຽມຈະໂຄຈອນອ້ອມໂລກ ເປັນເວລາ 12 ຊົ່ວໂມງຕໍ່ 1 ຮອບ ທີ່ຄວາມໄວ 4 ກິໂລແມັດຕໍ່ວິນາທີ. ແບ່ງເປັນ 6 ວົງໂຄຈອນ ວົງໂຄຈອນລະ 4 ດວງ ທຳມຸມ 55 ອົງສາ. ດາວທຽມທັງຫມົດມີ 24 ດວງ.

Posted by: ພະນົມສິນ | June 13, 2008

ໄຟຟ້າຊຽງຂວາງ ເລີ້ມໃຊ້ GPS

ລັດວິສາຫະກິດໄຟຟ້າລາວ ສາຂາແຂວງຊຽງຂວາງໄດ້ ຊື້ເຄື່ອງຮັບສັນຍານ GPS ມາຈຳນວນ 1 ເຄື່ອງ ແລະ ເລີ້ມນຳໃຊ້ເຂົ້າໃນວຽກງານ ເກັບກຳຂໍ້ມູນຕາຂ່າຍໄຟຟ້າ
ພາບລຸ່ມນີ້ ໄດ້ຈາກເວັບໄຊຂອງຊາຍສະຫວັນ ພະນັກງານເຕັກນິກ ລັດວິສາຫະກິດໄຟຟ້າລາວ ສາຂາແຂວງຊຽງຂວາງ

Posted by: ພະນົມສິນ | June 10, 2008

GPS ຍີ່ຫໍ້ Explorist

ທ່ານ ຄົງສະຫວັນ ໂງ່ນວໍລະລາດ ຮອງຫົວຫນ້າຫ້ອງການສຶກສາລະບົບ (ຟຟລ) ເອົາມາຖາມວິທີການໃຊ້ ເພິ່ນເອົາມາຈາກພວກນ້ຳເທີນ
Explorist

« Newer Posts - Older Posts »

Categories