ລັດຖະບານຫວຽດນາມຊ່ວຍເຫຼືອລ້າ ສ້າງຖານຂໍ້ມູນພູມສາດ

ລັດຖະບານຫວຽດນາມຊ່ວຍເຫຼືອລ້າ ສ້າງຖານຂໍ້ມູນພູມສາດ

ໃນ​ຕອນ​ແລງ​ຂອງ​ວັນ​ທີ 13 ມີນາ 2013 ທີ່​ກົມ​ແຜນທີ່​ແຫ່ງ​ຊາດ ໄດ້​ມີ​ພິທີ​ເຊັນ​ບົດ​ບັນທຶກ​ປຶກສາ​ຫາລື ການຈັດຕັ້ງ​ປະຕິບັດ​ໂຄງການ​ສ້າງ​ຖານ​ຂໍ້​ມູນ​ພູມ​ສາດ ແຜນທີ່​ມາດຕາ​ສ່ວນ 1:50,000 ຮັບ​ໃຊ້​ການ​ວາງ​ແຜນ​ພັດທະນາ​ເສດຖະກິດ-ສັງຄົມ ແລະ ຕິດຕາມ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ​ຢູ່ ​ສປປ ລາວ ໂດຍ​ຮ່ວງ​ທຶນ​ຊ່ວຍເຫຼືອ​ລ້າ​ຈາກ​ລັດຖະບານ ​ສສ.ຫວຽດນາມ ໃຫ້​ແກ່​ລັດຖະບານ ​ສປປ ລາວ ລວມ​ມູນ​ຄ່າ 198,857,359,680 ດົງ (ສະກຸນ​ເງິນ​ຫວຽດນາມ) ຕາງໜ້າ​ຝ່າຍ​ລາວ​ລົງ​ນາມ​ໂດຍ​ທ່ານ ບົວ​ສົດ ສຸວັນນະ​ກຸມມານ ຫົວໜ້າ​ກົມ​ແຜນທີ່​ແຫ່ງ​ຊາດ ກະຊວງ​ພາຍ​ໃນ ​ສປປ ລາວ ແລະ ຕາງໜ້າ​ຝ່າຍ​ຫວຽດນາມ ລົງ​ນາມ​ໂດຍ​ທ່ານ ຫງວ​​ຽນ ຕວນ ຮຸ່ງ ຫົວໜ້າ​ກົມ​ວັດແທກ ແລະ ແຜນທີ່​ກະຊວງ​ຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ​ສສ.ຫວຽດນາມ ໂດຍ​ໄດ້​ຮັບ​ກຽດ​ເຂົ້າ​ຮ່ວມ​ເປັນ​ສັກຂີ​ພິຍານ​ຂອງ​ທ່ານ ​ດຣ. ທອງ​ຈັນ ມະນີ​ໄຊ ລັດຖະມົນຕີ​ຊ່ວຍ​ວ່າການ​ກະຊວງ​ພາຍ​ໃນ ຜູ້​ຊີ້​ນຳ​ວຽກ​ງານ​ສຳ​ຫຼວດ​ວັດແທກ​ແຜນທີ່.

ໂຄງການ​ດັ່ງກ່າວ​ນີ້ ມີ​ໄລຍະ​ເວລາ​ໃນ​ການ​ດຳເນີນ​ງານ 4 ປີ (2013-2016) ເຊິ່ງ​ກວມ​ເອົາ​ບໍລິເວນ​ພາກ​ກາງ ແລະ ພາກ​ເໜືອ​ຂອງ​ປະເທດ ດ້ວຍ​ການບິນ​ຖ່າຍ​ພາບ​ທາງ​ອາກາດ ກວມ​ເນື້ອທີ່​ປະມານ 70.000 ​ກມ2 ສ້າງ​ຖານ​ຂໍ້​ມູນ​ພູມ​ສາດ​ແຜນທີ່​ມາດຕາ​ສ່ວນ 1:50,000 ຈຳນວນ 283 ແຜ່ນ​ນ້ຳເບີ ພາຍຫຼັງ​ສຳເລັດ​ໂຄງການ​ນີ້ ຈະ​ເຮັດ​ໃຫ້​ລາວ​ເຮົາ​ມີ​ຖານ​ຂໍ້​ມູນ​ພູມ​ສາດ ແຜນທີ່​ມາດຕາ​ສ່ວນ 1:50,000 ໃໝ່ ທັນ​ສະໄໝ ມີ​ຄວາມ​ຊັດ​ເຈນ​ແມ້ນ​ຢຳ​ສູງ ຖືກຕ້ອງ​ສອດຄ່ອງ​ກັບ​ຜະລິດ​ຕະ​ພັນ​ຂອງ​ໂຄງການ ສ້າງ​ຄວາມ​ເຂັ້ມແຂງ​ໃນ​ການ​ບໍລິການ​ຂໍ້​ມູນ​ແຜນທີ່​ຢູ່ ​ສປປ ລາວ ໃນ​ເຂດ​ພາກ​ໃຕ້​ຂອງ​ປະເທດ ທີ່​ໄດ້​ບິນ​ຖ່າຍ​ພາບ​ທາງ​ອາກາດ ກວມ​ເນື້ອທີ່​ປະມານ 160,000 ​ກມ2 ສ້າງ​ຖານ​ຂໍ້​ມູນ​ພູມ​ສາດ​ແຜນ 1:50,000 ທີ່​ຈຳນວນ 173 ແຜ່ນ​ນ້ຳເບີ ໂດຍ​ການ​ຊ່ວຍເຫຼືອ​ລ້າ​ຂອງ​ລັດຖະບານ​ແຟງ​ລັງ ໃຫ້​ແກ່​ລັດຖະບານ​ລາວ ແຕ່​ປີ 2010-2014 ໃຫ້​ເປັນ​ລະບົບ​ເອກະ​ພາບ​ໃນ​ທົ່ວ​ປະເທດ.

http://www.vientianemai.net/teen/khao/1/8923

ໂຄງ­ການ​ເຄືອ​ຂ່າຍ​ຂໍ້​ມູນ​ທີ່​ດິນ ແລະ ຊັບ­ພະ­ຍາ­ກອນ​ທຳ​ມະ​ຊາດ ໄດ້​ອັດ​ຊຸດ​ເຝິກ­ອົບ­ຮົມ​ກ່ຽວ​ກັບ​ການ​ສ້າງ​ຄວາມ​ເຂັ້ມ­ແຂງ​ໃຫ້​ແກ່​ພະ­ນັກ­ງານ​ວິ­ຊາ​ການ​ຫ້ອງ​ຂໍ້​ມູນ ແລະ ແຜນ­ທີ່​ຂັ້ນ​ທ້ອງ­ຖິ່ນ​ຂອງ​ອົງ­ການ​ຄຸ້ມ​ຄອງ​ທີ່​ດິນ​ແຫ່ງ​ຊາດ (ອຄດຊ) ຊຸດ​ທີ 2 ຢ່າງ​ເປັນ​ທາງ​ການ ໃນ​ອາ­ທິດ​ຜ່ານ​ມາ ພາຍ­ຫຼັງ​ຊຸດ​ເຝິກ­ອົບ­ຮົມ​ໄດ້​ດຳ­ເນີນ​ມາ​ນັບ​ແຕ່​ວັນ​ທີ 30 ພຶດ­ສະ­ພາ ຫາ 17 ມິ­ຖຸ­ນາ 2011 ທີ່​ນະ­ຄອນ­ຫຼວງ​ວຽງ​ຈັນ ໂດຍ​ໄດ້​ຮັບ​ກຽດ​ເປັນ​ປະ­ທານ​ເປີດ-ອັດ​ຊຸດ​ເຝິກ­ອົບ­ຮົມ​ຄັ້ງ​ນີ້ ແມ່ນ​ທ່ານ ດຣ.ບຸນ​ເກື້ອ ວົງ­ສາ​ລາດ ຮອງ​ຫົວ­ໜ້າ​ສູນ​ຄົ້ນ​ຄ້ວ​າ ແລະ ຂໍ້​ມູນ​ຂ່າວ­ສານ​ທີ່​ດິນ ແລະ ຊັບ­ພະ­ຍາ­ກອນ​ທຳ​ມະ​ຊາດ (ສຄຂດ).

ການ​ເຝິກ­ອົບ­ຮົມ​ຄັ້ງ​ດັ່ງ­ກ່າວ ແມ່ນ​ການ​ຮ່ວມ​ມື​ລະ­ຫວ່າງ​ສູນ​ເຄືອ​ຂ່າຍ​ຂໍ້​ມູນ​ທີ່​ດິນ ແລະ ຊັບ­ພະ­ຍາ­ກອນ​ທຳ​ມະ​ຊາດ​ຂອງ​ໂຄງ­ການ​ເຄືອ​ຂ່າຍ​ຂໍ້​ມູນ​ທີ່​ດິນ-ຊັບ­ພະ­ຍາ­ກອນ​ທຳ​ມະ​ຊາດ ແລະ ອົງ­ການ​ຄຸ້ມ​ຄອງ​ທີ່​ດິນ​ແຫ່ງ​ຊາດ ໂດຍ​ມີ​ຈຸດ­ປະ­ສົງ​ເພື່ອ​ເພີ່ມ​ຂີດ​ຄວາມ​ສາ­ມາດ ແລະ ສ້າງ​ຄວາມ​ເຂັ້ມ­ແຂງ​ໃຫ້​ແກ່​ພະ­ນັກ­ງານ​ວິ­ຊາ​ການ​ຂອງ​ຫ້ອງ­ການ​ຂໍ້​ມູນ ແລະ ແຜນ­ທີ່​ຂັ້ນ​ທ້ອງ­ຖິ່ນ​ຂອງ​ອົງ­ການ​ຄຸ້ມ​ຄອງ​ທີ່​ດິນ​ແຫ່ງ​ຊາດ (ອຄດຊ) ເຊິ່ງ​ມີ​ບັນ­ດາ​ຜູ້​ເຂົ້າ​ຮ່ວມ​ຈຳ­ນວນ 16 ທ່ານ ທີ​ີ່​ມາ​ຈາກ​ບັນ­ດາ​ແຂວງ​ຄື: ບໍ່​ແກ້ວ ບໍ​ລິ​ຄຳ​ໄຊ ຄຳ​ມ່ວນ ສະ­ຫວັນ​ນະ​ເຂດ ສາ­ລະ​ວັນ ອັດ​ຕະ​ປື ແລະ ຈຳ­ປາ​ສັກ.

ເນື້ອ​ໃນ​ການ​ເຝິກ­ອົບ­ຮົມ​ໄດ້​ເນັ້ນ​ເຖິງ​ວິ­ທີ​ໃຊ້​ໂປຼ​ແກມ Arc GIS ນຳ​ໃຊ້ Layer ເຂົ້າ​ໃນ​ແຜນ­ທີ່ ການ​ແກ້​ໄຂ ແລະ ຮຽບ​ຮຽງ​ຂໍ້​ມູນ ຈັດ­ການ​ຖານ​ຂໍ້​ມູນ​ແຜນ­ທີ່​ພູມ​ສາດ ການ​ນຳ​ໃຊ້​ພາບ​ຖ່າຍ ແລະ ການ​ສັ່ງ​ພິມ ການ​ເກັບ​ກຳ​ຂໍ້​ມູນ​ທາງ​ດ້ານ​ເອ­ກະ­ສານ​ສະ­ຖິ­ຕິ ແລະ ແຜນ­ທີ່ ການ​ໃຊ້ GPS GPS Garmin ແລະ ຄວາມ​ຮູ້ Visual Basic 2008 ຊຶ່ງ​ທັງ​ໝົດ​ນັ້ນ​ເປັນ​ສ່ວນ​ໜຶ່ງ​ຂອງ​ການ​ຍົກ​ລະ­ດັບ​ຄວາມ​ຮູ້​ຄວາມ​ສາ­ມາດ ແລະ ຄວາມ​ເຂົ້າ­ໃຈ​ໃຫ້​ແກ່​ບັນ­ດາ​ຜູ້​ເຂົ້າ​ຮ່ວມ​ສາ­ມາດ​ປະ­ຕິ­ບັດ​ວຽກ​ງານ​ຕົວ​ຈິງ​ໃນ​ການ​ສຳ​ຫຼວດ ຈັດ​ສັນ ຈັດ​ແບ່ງ ສ້າງ​ແຜນ­ທີ່​ນຳ​ໃຊ້​ທີ່​ດິນ ແຜນ​ປົກ​ປັກ​ຮັກ­ສາ ແລະ ນຳ​ໃຊ້​ທີ່​ດິນ​ຢ່າງ​ມີ​ປະ­ສິດ­ທິ­ພາບ ພ້ອມ​ດຽວ​ກັນ​ນັ້ນ ຍັງ​ເປັນ​ການ​ຕອບ​ສະ­ໜອງ​ຄວາມ​ຮຽກ­ຮ້ອງ​ຕ້ອງ­ການ​ອັນ​ຮີບ​ດ່ວນ​ຂອງ​ການ​ພັດ­ທະ­ນາ​ຢ່າງ​ຕໍ່​ເນື່ອງ ເພື່ອ​ໃຫ້​ສອດ­ຄ່ອງ​ກັບ​ແຜນ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ລັດ­ຖະ­ບານ ໃນ​ແຕ່​ລະ​ໄລ­ຍະ.

http://www.vientianemai.net/teen/khao/1/3447

ພິທີມອບຮັບໂຄງການ ເກັບກຳຂໍ້ມູນຕາຂ່າຍໄຟຟ້າ ແຂວງຊຽງຂວາງ ວັນທີ 28 ພຶດສະພາ 2010. ເຂົ້າຮ່ວມໃນພິທີ ມີ ທ່ານ ສຸນທະຍິ່ງ ພະແນກພະລັງງານແລະບໍ່ແຮ່ແຂວງ, ທ່ານ ຈຳປາທອງວົງເດືອນ ຄະນະໄຟຟ້າພາກເຫນືອ ແລະ ຄະນະສາຂາ ໄຟຟ້າຫົວພັນ,​ໄຟຟ້າອຸດົມໄຊ ແລະ ວິຊາການຈາກ ໄຟຟ້າຫລວງນ້ຳທາ.


ທ່ານ ອຳພອນ ພົມມະຈັນ ຮັກສາການ ຜູ້ອຳນວຍການ ລັດວິສາຫະກິດ ກໍ່ສ້າງ ແລະ ຕິດຕັ້ງໄຟຟ້າ ເປັນຜູ້ມອບ ແລະ ທ່ານ ສຸມຸນທາ ບຸນເລື່ອມ ຫົວຫນ້າສາຂາ ລັດວິສາຫະກິດໄຟຟ້າລາວ ສາຂາແຂວງຊຽງຂວາງ ເປັນຜູ້ຮັບ


ໂຄງການສ້າງຄວາມເຂັ້ມແຂງດ້ານການບໍລິການຂໍ້ມູນແຜນທີ່ໃນ ສປປ ລາວ ໃນນັ້ນວຽກງານຕົ້ນຕໍຂອງໂຄງການແມ່ນສ້າງແຜນທີ່ພູມສັນຖານມາດຕາ ສ່ວນ 1 ສ່ວນ 50 ພັນ ກວມເອົາເນື້ອທີ່ປະມານ 71 ພັນກິໂລຕາແມັດຂອງແຂວງອັດຕະປື ເຊກອງ ຈຳປາສັກ ສາລະວັນ ສະຫວັນນະເຂດ ແລະ ສ່ວນໜຶ່ງຂອງແຂວງຄຳມ່ວນ ຊຶ່ງໂຄງການດັ່ງກ່າວຈະໄດ້ເລີ່ມລົງມືຈັດຕັ້ງປະຕິບັດໃນທ້າຍປີ 2010 ແລະ ຈະໃຫ້ສຳເລັດໃນທ້າຍປີ 2013 ຊຶ່ງລວມມູນ ຄ່າທັງໝົດຂອງໂຄງການ 77,142 ຕື້ ຫຼື 6,5 ລ້ານເອີໂຣ ໂດຍທຶນຊ່ວຍເຫຼືອລ້າຈາກລັດຖະບານ ສາທາລະນະລັດແຟງລັງ ໃຫ້ແກ່ລັດຖະບານ ສປປ ລາວ.

ພິທີເຊັນສັນຍາຮັບເອົາໂຄງການຊ່ວຍເຫຼືອລ້າດັ່ງກ່າວ ໄດ້ຈັດຂຶ້ນວັນທີ 3 ກຸມພາ 2010 ນີ້ ທີ່ກົມແຜນທີ່ແຫ່ງຊາດ ສຳນັກງານນາຍົກລັດຖະມົນຕີ ຮ່ວມ ລົງນາມສອງຝ່າຍຄັ້ງນີ້ ໂດຍຕາງໜ້າໃຫ້ລັດຖະບານສາທາລະນະລັດແຟງລັງ ແມ່ນທ່ານນາງ ເຊີປາແມນປາ ເອກອັກຄະລັດຖະທູດສາທາລະນະລັດ ແຟງລັງ ປະຈຳ ສປປ ລາວ ແລະ ຕາງໜ້າໃຫ້ລັດຖະບານລາວ ໂດຍແມ່ນທ່ານ ສຈ.ດຣ.ບໍ່ວຽງຄຳ ວົງດາລາ ລັດຖະມົນຕີຊ່ວຍວ່າການ ຫົວໜ້າຫ້ອງ ວ່າການສຳນັກງານນາຍົກລັດຖະມົນຕີ ຜູ້ຊີ້ນຳກົມແຜນທີ່ແຫ່ງຊາດ ຊຶ່ງມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພິຍານ.

ໂຄງການດັ່ງກ່າວຈະໄດ້ນຳໃຊ້ເຕັກໂນໂລຊີໃໝ່ໃນການບິນຖ່າຍພາບທາງອາກາດ ແລະ ການສ້າງແຜນທີ່ດ້ວຍລະບົບຕົວເລກ (ດີຈີຕອນ) ນອກຈາກ ການສ້າງແຜນທີ່ມາດຕາສ່ວນ 1 ສ່ວນ 50 ພັນແລ້ວ ຢູ່ບັນດາເທດສະບານເມືອງໃຫຍ່ຂອງບັນດາແຂວງ ຈະໄດ້ສ້າງແຜນທີ່ພູມສັນຖານມາດຕາສ່ວນ 1 ສ່ວນ 5 ພັນ ເພື່ອຕອບສະໜອງໃຫ້ແກ່ວຽກງານຜັງເມືອງ ຈັດສັນທີ່ດິນວາງ ແຜນກໍ່ສ້າງພື້ນຖານໂຄງລ່າງ ຄຸ້ມຄອງສະພາບແວດລ້ອມ ແລະ ອື່ນໆ.

ພາຍຫຼັງໂຄງການນີ້ສຳເລັດ ເຂດພາກກາງ ແລະ ພາກໃຕ້ຂອງລາວ ຈະໄດ້ມີຖານຂໍ້ມູນໃໝ່ທີ່ຖືກຕ້ອງຊັດເຈນ ເຊັ່ນ: ຮູບຖ່າຍທາງອາກາດ ແຜນທີ່ພູມ ສັນຖານມາດຕາສ່ວນໃຫຍ່ຮັບໃຊ້ການວາງແຜນພັດທະນາເສດຖະກິດ-ສັງຄົມ ການຄຸ້ມຄອງຊັບພະຍາກອນທຳມະຊາດ ການປົກປັກຮັກສາສະພາບແວດ ລ້ອມ ແລະ ນຳໃຊ້ເຂົ້າໃນເປົ້າໝາຍອື່ນໆ ເປັນການປະກອບສ່ວນຢ່າງສຳຄັນເຂົ້າໃນການບັນລຸເປົ້າໝາຍ ເຮັດໃຫ້ປະເທດຊາດຫຼຸດພົ້ນອອກຈາກຄວາມ ດ້ອຍພັດທະນາ ໃນປີ 2020.

http://www.vientianemai.net/news.php?col=1&id=895

ລັດວິສາຫະກິດໄຟຟ້າລາວ ສາຂາແຂວງຊຽງຂວາງ ເປັນແຂວງທີ 5 ທີ່ໄດ້ຮັບເອົາໂຄງການເກັບກຳຂໍ້ມູນຕາຂ່າຍໄຟຟ້າ ໂດຍມອບໃຫ້ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ ເປັນຜູ້ປະຕິບັດ

ໂຄງການນີ້ ໄດ້ເລີ້ມຕົ້ນໃນທ້າຍປີ 2009 ແລະ ມີແຜນການສຳເລັດໃນ ຕົ້ນປີ 2010

​ໂຄງການ​ເກັບ​ກຳ​ຂໍ້​ມູນ​ຕາ​ຂ່າຍ​ໄຟຟ້າ ​​ແຂວງ​ຄຳ​ມ່ວນ ​ເລີ້ມ​ແລ້ວ
ທິມງານ​ຈາກ​ລັດ​ວິ​ສາ​ຫະກິດ​ກໍ່ສ້າງ​ແລະ​ຕິດ​ຕັ້ງ​ໄຟຟ້າປະກອບ​ມີ ທ່ານ ສຸ​ລິວ​ັນ ພົມມະຈັນ, ທ່ານ ທະ​ມາລີ ພະຈັນສິດທິ
​ໄດ້​ນຳ​ທິມລົງ​ໄປ ສຳຫລວດ ​ແລະ​ເກັບ​ກຳ​ຂໍ້​ມູນ ​ໃນຕົ້ນ​ເດືອນ 10 ທີ່​ຜ່ານ​ມາ​ນີ້



ນອກຈາກ​ແຂວງ​ຄຳ​ມ່ວນ​ແລ້ວ ຍັງ​ຈະ​ມີ​ໂຄງການ​ດັ່ງກ່າວ​ອີກ ຢູ່​ແຂວງ​ຊຽງ​ຂວາງ
ລາຍ​ລະອຽດຂອງ​ໂຄງການ ​ເບິ່ງ​ໄດ້​ທີ່ http://pnomsin.ifastnet.com5


Land staff upgrade on GIS use

(KPL) The Land National Authority in cooperation with the authority of Sisattanark district organised a training course on geographic information systems use for authorities of nine municipal districts of Vientiane Capital, on 31 August.
It aims to strengthen the capacity of information application for land management for officials concerned.
Mr Kideng Pathammavong, Deputy-Minister to the Prime Minister’s Office, said that this course raised the technical capacity on GIS use in order to help land staff for making a plan and the use of GIS camera for land survey

Posted by: ພະນົມສິນ | February 1, 2009

ກ້ອງມູມ

ໃນການສຳຫລວດພາກສະຫນາມ ມັນກໍ່ເປັນເລື້ອງລະອຽດອ່ອນຫລາຍ ມີລາຍລະອຽດບໍ່ຫນ້ອຍ. ອຸປະກອຍສຳຫລວດ ທີ່ມັກໃຊ້ກັນ ກໍ່ມີ ພວກກ້ອງ ໄດ້ແກ່ ກ້ອງມູມ ໄວ້ແທກມູມຫັກເຫ ກ້ອງລະດັບ ໄວ້ແທກຄວາມແຕກຕ່າງຂອງຄວາມສູງຂອງພື້ນທີ່, ພວກໄມ້ ໄດ້ແກ່ ໄມ້ເມຍ ໄມ້ໂປນ ໄມ້ສະຕາຟ ນອກນັ້ນກໍ່ມີ ແກ້ວຕາເສືອ ເຂັມທິດ

ມື້ນີ້ເຮົາມາຮູ້ຈັກກັບກ້ອງມູມ ເພິ່ນໃຊ້ກ້ອງມູມຮ່ວມກັບໄມ້ໂປນ ໂດຍໃຊ້ຄົນ3ຄົນ ມີຕາກ້ອງ 1 ຄົນ ແລະ ຜູ້ຖືໄມ້ ຢືນຢູ່ທາງຫນ້າ ແລະ ຜູ້ຖືໄມ້ ຢືນຢູ່ທາງຫລັງຂອງກ້ອງ

ຄົນສ່ອງຈະປິ່ນກ້ອງໄປຫາຄົນຖືໄມ້ທາງຫລັງກ່ອນ ຕັ້ງຄ່າມູມເປັນ 0 ແລ້ວອວ່າຍໄປຫາຄົນຖືໄມ້ທາງຫນ້າ ແລ້ວບັນທຶກມູມ ເອົາລະອຽດເປັນອົງສາ ລິບດາ ແລະ ວິລິບດາ

ກ້ອງມູມເປັນເຄື່ອງມືທີ່ລະອຽດອ່ອນ ຖ້າມີການກະທົບກະແທກ ຫລື ຖືກຝົນ ຈະມີຜົນຕໍ່ຄວາມຊັດເຈນຂອງມັນ.
ເວລາຕັ້ງກ້ອງ ຕ້ອງເຮັດໃຫ້ຖືກຕ້ອງ ໂດຍອາໄສນ້ຳທ່ຽງ
ກ້�ງມູມ

Older Posts »

Categories

Follow

Get every new post delivered to your Inbox.